ياخسارة طيحة (ن) طحتها لجل الحبيــب %% والنهايه لامسكني ولاسمى علي

[center][size=21]واعذابي كلما الشمـس مالـت للمغيـب

لاقبـل الليـل اِيتجـدد عذابـي ياهـلـي
[center]غيبة الشمس ودجى الليل معها وش تجيب
غير هاجوس بصـدري ونـار تصطلـي
هم صـدري ماكشفـه للبعيـد وللقريـب
واتظاهـر بالسعـاده ولـو ماهيـب لـي
احتسب لو شفت من جور وقتي مايريـب
ومن نشدني قلت طيّب وانا مانـي بشلـي
والله لارقية مطوع . ولاوصفـة طبيـب
تترك اللي لاجي فـي ضميـري ينجلـي
والخيانه سيفهـا ثالـث إسـلاح صعيـب
ورمح ابن غانم وسيف ابن ابي طالب علي
الثلاث القاتله مـن سلـم منهـا عطيـب
حكمـة يشهـد عليهـا الزمـان الاولـي
وانا بين أهلي وفي ارضي ولكني غريب
كن مالي ولد عم . ولاكـن لـي صلـي
عايش غربة زماني . وخاينـي إصحيـب
والخيانه تِعطـب اللـي تنـوش وتقتلـي
الخيانه . اخس ياسيفها الساطـي واِهيـب
اثر ماينفع بوجهـك شجاعـه وإصملـي
آآه ياصبر ال ياسـر . وياهمـة شعيـب
عززيني فـي مصـادم زمـان دس لـي
أرتفع صوتـي ينـادي ولاجالـه مجيـب
من هذاك اللي سمـع صوتـي ولالدلـي
واتضح ماعاد لي فيـه حـظ ولانصيـب
وصرت اسولف مع ضميري واردد مايلي
ياخسارة طيحةن طحتهـا لجـل الحبيـب
والنهايـه لامسكنـي ولاسمـى عـلـي
الله أكبـر ماتوقعـت هقواتـي تخـيـب
في محبـة مـن بحبـه طمـوح ومملـي
ساقني لمساهر الليل . ومصـالا اللهيـب
صادق إحساسي وطيبي وطيشي وإجهلي
لين عاهدته وسلمت له مـن بـاب طيـب
قلبي وفكري . وضحيت فـي مستقبلـي
والنتيجه ضيعة الرشد . والوضع الكئيـب
والحياه إيست منها .. وبركـت إجملـي
والله ان جاني من الحب . ماجا بن شبيب
(مثل ماجا الاتصـالات مـن موبايلـي )
بس لاتنصح ترا النُصح يجـرح يالبيـب
والضمايـر بالعبايـر تفيـض وتمتـلـي
وانت خابر طيحتي طحتها لجل الحبيـب

والنهايـه لامسكنـي ولاسمـى عـلـي

</TD></TR></TABLE>[/center]

[/center]
[/size]

القصيده للشـآعر
عبد الرحمن بن بديـع